Իրենց կարողությունները, ցանկություններն ու հետաքրքրությունները հաջողակ սոցիալական ձեռներեցության վերածելուն ուղղած երիտասարդների հզորացումը առանցքային գործոն է սոցիալական հրատապ խնդիրների և մարտահրավերների լուծման համար: Անկախ նրանից, թե դրանց ադեցությունը կլինի տեղական կամ միջազգային մակարդակում: Այնուամենայնիվ, ընթացիկ հետազոտությունը ցույց է տալիս, որ երիտասարդությունը չի ստանում բազմակողմանի աջակցություն՝ դառնալու ակտիվ քաղաքացիներ և սոցիալական նորարարներ: Ամենակարևոր խնդիրներն են՝

• Դրական օրինակների բացակայություն։ Անհատներ, ինչպիսիք են ծնողները և ուսուցիչները, որոնք կարևոր օրինակ են ծառայում, հաճախ տեղյակ չեն ձեռներեցության և սոցիալական նորարարության հետ կապված հնարավորությունների մասին: Իրազեկվածության այս պակասը հանգեցնում է ձեռնարկատիրական գործունեության քիչ կամ անխրախուսելիությանը, կամ նույնիսկ բացասական սոցիալական վերաբերմունքի, որոնք խոչընդոտ են հանդիսանում ձեռնարատիրություն սկսելու համար: (Schleicher, 2015)
• Հմտությունների պակաս։ Ինստիտուցիոնալացված կրթության և վերապատրաստման ծրագրերը բավարար չեն ձեռնարկատիրական վերաբերմունքի և հմտությունների զարգացման համար: Չնայած վերջին տարիներին այս ոլորտում առկա բարելավումներին, նրանք հիմնականում ուսանողներին պատրաստում են վճարովի աշխատանքի: (Փոթեր, 2008):
• Ռեսուրսների բացակայություն: Երիտասարդները սովորաբար չունեն մարդկային, ֆինանսական և սոցիալական կապիտալ, որն անհրաժեշտ է նոր նախագիծ կամ սոցիալական ձեռնարկություն ստեղծելու և այն հաջողությամբ ղեկավարելու համար: Նրանք նաև ավելի քիչ ոլորտային, կառավարման կամ ձեռնարկատիրական փորձ ունեն, քան իրենցից տարեցները: Ավելին, ֆինանսական շուկաները կարող են կողմնակալ լինել երիտասարդ բիզնեսներին/նախագծերին աջակցելուց, իսկ երիտասարդներին պատկանող ձեռնարկությունները կարող են ապրանքային շուկաներում նաև բախվել «խտրականության» հետ, երբ հաճախորդները թերահավատորեն են վերաբերվում իրենց արտադրանքի կամ ծառայությունների հուսալիությանը: (Schleicher, 2015)
• Կապերի բացակայություն։ Երիտասարդները հաճախ ունեն սահմանափակ կապեր և բիզնեսի հետ կապված սոցիալական կապիտալ: Սա կարող է հետևանքներ ունենալ իրենց բիզնեսը հիմնելու, վարելու և հիմնական շահագրգիռ կողմերի (օրինակ՝ ֆինանսիստներ, հաճախորդներ, մատակարարներ) միջև «լեգիտիմություն» ստեղծելու համար: (Schleicher, 2015):

Տեղական միջոցառումներ անցկացնելով, սոցիալական ձեռներեցության վերաբերյալ սեմինարներ կազմակերպելով, իրականացնելով ինկուբացիոն ծրագրեր, որոնք օգնում են վավերացնել և նախատիպել ազդեցությունն ու բիզնես մոդելները, Social Impact Award-ն անդրադառնում է վերոնշյալ բոլոր 4 խնդիրներին և ուղղակիորեն հնարավորություն է տալիս երիտասարդներին իրացնել իրենց ներուժը՝ որպես փոփոխությունների գործակալ:

Այս մոտեցման հաջողությունն ընդգծվում է մեր մանրակրկտորեն չափված ազդեցության տվյալների միջոցով: Իր ստեղծման օրվանից SIA-ն դարձել է երիտասարդ սոցիալական ձեռներեցների համար աշխարհի ամենամեծ համայնքներից մեկը: Մենք ամեն տարի աջակցում ենք գրեթե 10000 երիտասարդ նորարարների և զարգացնում ենք ավելի քան 1000 ձեռնարկատիրական նախագծեր Եվրոպայի, Աֆրիկայի և Կենտրոնական Ասիայի ավելի քան 25 երկրներում: