Social Impact Award մրցանակը նպաստում է ամենախոստումնալից նախաձեռնությունների ճանաչելիությանը թե՛ իրենց երկրում, թե՛ միջազգային հարթակներում։ Այն նաև հնարավոր ֆինանսավորող գործընկերների համար վկայում է դրանց հուսալիության մասին։ Մրցանակակիրները ստանում են միանվագ մեկնարկային ֆինանսավորում և մասնակցելու հնարավորություն մեր ամենամյա գագաթնաժողովին, որը համախմբում է խոստումնալից սոցիալական ձեռնարկատերերի SIA ծրագիրն իրականացնող բոլոր երկրներից։

2011 թվականին հիմնել ենք նաև Համայնքի մրցանակը՝ հանրության համակրանքը վայելող նախաձեռնությունները խրախուսելու համար։ Այն շնորհվում է ամենամյա համայնքային քվեարկության ընթացքում յուրաքանչյուր երկրում ամենաշատ ձայները հավաքած նախաձեռնություններին՝ նրանց ընձեռելով միջազգային ճանաչում ձեռք բերելու հնարավորություն և տարբեր պարգևներ։

Ինկուբացիոն ծրագրի բոլոր մասնակիցներն ինքնաբերաբար համարվում են Social Impact Award մրցանակի հավակնորդներ։ Մրցանակին կարող են արժանանալ միայն ինկուբացիոն ծրագիրն անցած մասնակիցները։