Մեր ինկուբացիան համապարփակ փորձառություն է, որը Ձեզ կտրամադրի աջակցություն, որն անհրաժեշտ է հաջող ձեռնարկություն կառուցելու համար: Թեև ինկուբացիայի ամենախոստումնալից ձեռնարկությունները շահում են «Social Impact Award» մրցանակը, այնուամենայնիվ այս փորձառությունը եզրափակիչ փուլի բոլոր մասնակիցներին տալիս է հմտություններ և գիտելիքներ, որոնք կօգնեն նրանց իրենց սոցիալական ձեռներեցության ողջ ուղու ընթացքում:

Ինկուբացիան մասնակիցներին տալիս է հետևյալ առավելությունները՝

• Անհատական աջակցություն։ Մեր փորձագետների և մենթորների խումբն Ձեզ առաջարկում է անհատականացված ուղեցույց՝ Ձեր բիզնեսի և ազդեցության մոդելները վերջնական տեսքի բերելու և նախատիպելու հարցում:
• Իմաստալից փոխհարաբերություններ։ Դուք համախոհ երիտասարդների խմբի մի մասն եք, որոնց հետ կարող եք երկարատև հարաբերություններ կառուցել և մտքեր փոխանակել:
• Համաշխարհային տեսանելիություն։ Դուք կարող եք ձեռք բերել բերել Ձեր առաջին հետևորդները և տեսանելիություն մեր Համայնքի քվեարկության միջոցով, որտեղ հազարավոր մարդիկ քվեարկում են իրենց սիրելի ձեռնարկությունների օգտին:
• Հիմնական ռեսուրսներ։ Ամենահեռանկարային ձեռնարկությունները կպարգևատրվեն մեր մրցանակներից մեկով, որը ներառում է ֆինանսավորում, ճանաչում և SIA-ի մեր ամենամյա գագաթնաժողովի տոմս: Դուք նաև կստանաք այլ առավելություններ, ինչպիսիք են օրինակ,համատեղ աշխատանքային տարածքից օգտվելու հնարավորություն, գործընկերների կողմից առաջարկվող եզակի հնարավորություններ և այլն:

Ինկուբացիան ավարտվում է մրցանակաբաշխությամբ։ Մեր միջազգայնորեն ճանաչված մրցանակի հաղթողներին տրվում է միանվագ ֆինանսական աջակցություն՝ իրենց ձեռնարկության սկզբնական ծախսերը հոգալու համար: Մեր մրցանակը նաև հիմնադիրներին հնարավորություն է տալիս ծանոթանալ բազմատեսակ շահագրգիռ կողմերի հետ ինչպես ազգային, այնպես էլ միջազգային մակարդակում՝ միաժամանակ ծառայելով որպես հուսալիության ապացույց պոտենցիալ ֆինանսավորող գործընկերների համար: Եվ ի վերջո, մրցանակի հաղթողները հնարավորություն են ստանում մասնակցելու մեր ամենամյա գագաթնաժողովին՝ նշելու ծրագրի ավարտը և իրենց ձեռնարկատիրական ուղու սկիզբը: